FRAUTA 6º: A SAIA DA CAROLINA

Aquí vos deixo a primeira partitura deste ano, todo un clásico da nosa música: a Carolina. Fai clic na imaxe para ver ou descargar a partitura e a letra da canción.

Traballando a muiñeira

Os rapaces de 1º estiveron a traballar unha coñecida muiñeira chamada "muiñeira corrida" que aparece no libro "para cantar e bailar" a través dun baile en grupo.

 

Traballamos a muiñeira de Pontesampaio

Os rapaces de 2º estiveron a traballar unha muiñeira moi típica desta zona chamada "muiñeira de Pontesampaio" a través dun baile de grupo e tamén utilizando os instrumentos posteriormente.

Frauta. Un elefante se balanceaba...

Os rapaces de 4º están a traballar coa frauta a partitura "Un elefante se balanceaba". Aquí vos deixo a partitura e un pequeno avance que fixemos sobre a canción con percusión de vasos.

Tocando "Amoriños collín"

Os rapaces de 5º están a traballar a canción de Juan Pardo "Amoriños collín" coa frauta, a cal está formada por pequenos anacos doutras coñecidas cancións tradicionais, unha delas esta "amoriños collín" que vos presento a continuación coa frauta para que vos axude a repasar e aprender esta fermosa canción.

A xiralda, outro clásico das beiras do Miño!

Aquí vos mostro outro dos clásicos da música galego-portuguesa chamada a xiralda, a cal é interpretada polo alumnado de 1º a través dunha pequena coreografía espacial utilizando os tubos sonoros. Agardo que vos guste!

Galicia, cada día máis linda!

O alumnado de 2º interpretou esta famosa peza que Pimpinela popularizou ao falar de Galicia cunha pequena coreografía espacio-corporal.

O tamborileiro

O alumnado de 2º nos amosa outra peza tradicional de carácter sumativo chamada "o tamborileiro" a través dunha actividade de roda. Agardo que vos guste.

Alecrín dourado

O alumnado de 3º nos amosa unha peza tradicional galega chamada "alecrín dourado" que primeiramente cantaron e logo interpretaron cos tubos sonoros. Escoita a música AQUÍ. Agardo que vos guste.
   

Alecrín, alecrín dourado que naceu no monte sen ser sementado (bis) 

Ai, meu amor quen che dixo a ti que a flor do campo era o alecrín? (bis)

Alecrín do meu corazón por causa de ti fixen esta canción (bis)        

Ai, meu amor quen che dixo a ti que a flor do campo era o alecrín? (bis)

 

De camiño pra Viseu

O alumnado de 4º nos amosa unha peza tradicional dos arredores do río Miño chamada "camiño de Viseu", a cal forma parte do libro "na punta do pe" do grupo de baile Pesdelán que estamos a traballar esta semana na aula de música. Agardo que vos guste!!!

A sirigoça

O alumnado de 1º nos amosa outro dos bailes do libro "na punta do pe" do grupo de baile Pesdelán. Esta peza chámase "a sirigoça" e foi recollida na zona norte de Portugal, á beira do Miño. Agardo que vos guste!!!

Que baile o garotinho!!!

Novamente o grupo de música para baile Pesdelán nos amosa outra das pezas recollidas e explicadas minuciosamente no seu libro "na punta do pé" titulada o garotinho, a cal foi interpretada polo alumnado de 3º a través dunha coreografía. Agardo que vos guste!

Dedín dedín

O alumnado de 3ºB interpreta unha canción tradicional galega chamada "Dedín dedín" a través dun xogo.

LETRA: Dedín dedín, chámase Roquín, rabo de cuco mazaruco, cando o rei por alí pasou tres madamas convidou, a pequena, a redonda, tócache a ti... quero que te escondas.

Xogamos cos dedos

Os alumnos de infantil 5 anos A e B nos ensinan un xogo de mans coa canción "dedín dedín". Son moitos os ditos que comezan por Dedín dedín... Poden ter a función de escoller entre os/as xogadores/as ou ben poden acompañar o xogo do mesmo nome Dedín, dedín entre un adulto e un neno/a. Neste caso, o adulto, mentres recita, vai dando belisquiños no dorso de cada un dos dedos do neno/a, que están estendidos. O dedo no que coincide a última palabra dóbrase. O xogo repítese ata que todos os dedos queden dobrados.

Chocolate

Mostramos a continuación a canción "chocolate" que traballou o alumnado de 1º utilizando diferentes partes do seu corpo.

Letra: Choco choco la la, choco choco te te, choco la , choco te ,choco la te.

Alumnos de 1ºB interpretando a canción cun xogo de mans.

Alumnos de 1ºA interpretando a canción cun xogo de pes.

Alumnos de 1ºB interpretando a canción cun xogo de pes.

Bailando a carrasquiña

"O xogo da carrasquiña" é un xogo de orixe incerta e aparece con distintas variantes en Brasil e Portugal. Este baile foi recollido na zona de As Neves para o divertimentos dos adultos nos seráns. Aquí, interpretado polo alumnado de 2º.

Bailando a sirigosa

O alumando de 1ºA e 1ºB nos mostra este baile tradicional chamado "a sirigosa".

Ai la cirigoça, la beila bien la moça
Ai la cirigoça, la quiero ber beilar Se béniren ls moços de l´otro lhugar,
echa-sé-le la pierna i buolbe-se l´a echar
Ai la cirigoça, la beila bien la moça
Ai la cirigoça, la quiero ber beilar
Arreda-t´ alhá Pedro achega-t´ acá Juan
angarabitaremos, angarabitarán

Comezamos o ano cun clásico.

O alumnado de 5º interpretou unha canción tradicional moi coñecida na zona para dar a benvida a este ano novo. A canción titúlase "compañeiro sei tocare" e este foi o resultado final.