CORONAVIRUS MUSICAL - INFANTIL (Semana 20-26/04/20)

Comezamos coa sesión musical desta semana como habitualmente ao longo do curso, cun conto musical.

• Conto musical: "O polo Pepe". Cantamos o retrouso e seguimos as indicacións do vídeo.

• Actividade instrumental. "Musicograma Peppa pig". Coller un instrumento de percusión (ou o que se teña) e tocar cando a figura sexa de cor percutindo unha vez por cada sílaba.

• Actividade de movemento: "Canción de las vocales". Movemento libre polo espazo cantando a canción e facendo as letras co corpo cando se fale de cada unha delas, alternando así unha parte de movemento espacial con outra parte de movemento corporal sen desprazamento.

• Acividade vogal: "Os números". Cantar a canción de María Fumaça contando cada número coas dedos das mans.

• Instrumentos musicais. Intenta pechar os ollos e adiviñar o instrumento que esta a sonar, logo abre os ollos para comprobar se acertaches.

• Actividade de relaxación. "Chopin - Nocturno op.9 nº2". Tumbados no chan e respirando cada vez máis lenta e profundamente.

CORONAVIRUS MUSICAL - 4º (Semana 20-26/04/20)

• Frauta: "Os esqueletes". Déixovos a continuación a partitura de frauta que imos repasar cun vídeo explicativo de como tocala. 

• Musicograma: "Ruinas de Atenas" de Beethoven. Tocar con precusión corporal (paos = mans, montañas = redobre muslos, puntos = pes). Tamén se pode facer con instrumentos se queredes (paos = tambor ou similar, montañas = cascabeis ou similar, puntos =crótalos, vaso cristal ou similar).

• Movemento: "A Carolina" de Uxía lambona. Movemento libre polo espazo e facer os movementos do retrouso como no vídeo.

• Improvisación musical: "Incredibox". Un xogo musical para improvisar e combinar ritmos. Clica na imaxe para a versión online. Tamén dispoñible a App.

CORONAVIRUS MUSICAL - 3º (Semana 20-26/04/20)

• Frauta: "Estrellita donde estás". Déixovos a continuación a partitura de frauta que imos repasar cun vídeo explicativo de como tocala. 

• Musicograma: "Ruinas de Atenas" de Beethoven. Tocar con precusión corporal (paos = mans, montañas = redobre muslos, puntos = pes). Tamén se pode facer con instrumentos se queredes (paos = tambor ou similar, montañas = cascabeis ou similar, puntos =crótalos, vaso cristal ou similar).

• Movemento: "A rianskeira" de Uxía lambona. Movemento libre polo espazo e facer os movementos do retrouso como no vídeo.

• Improvisación musical: "Incredibox". Un xogo musical para improvisar e combinar ritmos. Clica na imaxe para a versión online. Tamén dispoñible a App.

CORONAVIRUS MUSICAL - 1º e 2º (Semana 20-26/04/20)

Boas a tod@s. Agardo que estedes tod@s ben e alégrome de estar novamente con tod@s vos. A partir de agora a clase de música realizarémola únicamente a través deste blogue como ferramenta intermediaria co alumando. Igualmente tratarei de realizar algunha videoconferencia nos próximos días pero avisarei con anterioridade para estar preparad@s. A continuación tedes unha serie de actividades que podedes realizar de forma voluntaria nesta sesión. Cada semana será unha sesión diferente e polo tanto terá actividades variadas. Moito ánimo.

• Conto musicado: "Cocorico". Cantar a canción e dramatizala con xestos.

• Actividade de movemento: "La gallina turuleca". Movemento libre polo espazo con percusión corporal de palmas no retrouso.

• Actividade instrumental: "El gallo pinto". Coller un instrumento calquera e marcar o pulso con movemebnto libre polo espazo.

• Xogo musical: "Chocolate". Xogo de movemento e coordinación corporal pero con pes.

• Musicograma: "Angry birds". Percusión con algún tipo de instrumento musical.

• Actividade de relaxación: "O son do ar" - Luar na lubre. Tumbados no chan e respirando cada vez máis lenta e profundamente.

REPASO MUSICAL 1º-6º E.P. (Semana 13-19/04)

Boas a tod@s. A continuación, podedes entrar neste recurso estupendo de para repasar algúns conceptos musicais que xa traballamos na aula. Esta actividade está enfocada para todo o alumnado de primaria xa que hai varios niveis e actividades musicais dende un punto de vista lúdico. A partir da semana que ven, o traballo será individualizado por aulas. Fai clic na imaxe para comezar. Ánimo.

REPASO MÚSICA INFANTIL (Semana 13-19/04)

Boas a tod@s. A partir deste momento este blog será a ferramenta de traballo da aula de música onde porei actividades musicais de caracter voluntario cada semana para o alumnado de infantil. A continuación déixovos un par de actividades.
Por outro lado, tamén podedes consultar a sección lateral deste blog chamada a música infantil no noso outeiro onde poderedes atopar unha chea de actividades, cancións, contos...

• Conto musical. "CORRE CORRE CABACIÑA". Clica na imaxe e canta o retrouso da canción.

• Actividade instrumental. Coller un instrumento de percusión (ou o que se teña) e tocar cando a figura sexa de cor percutindo unha vez por cada sílaba.

• Instrumentos musicais. Intenta pechar os ollos e adiviñar o instrumento que esta a sonar, logo abre os ollos para comprobar se acertaches.

CANTOS DE REIS E AGUINALDOS

Outro ano máis voltamos cos cantos de reis e aguinaldos, con novidades, sorpresas e coa animada ruta do caramelo. Déixovos a continuación as cancións que traballaremos. 

UKELELE 2019

O alumnado de 6º recibiu unha grata sorpresa xa que chegaron os ukeleles cos que van a traballar estre ano. Un proxecto moi interesante.

TRUCO OU TRATO

O alumnado de 3ºA interpretando unha coreografía da canción trick or treat para traballar o samaín.

BANDAS SONORAS DO SAMAÍN

Xa chegaron as bandas sonoras do samaín. Bo traballo rapaces.

TÍTERES LIKE YOU

O alumnado de 6º despide o trimestre cunha pequena escenificación titiriteira do tema de Marron 5 "Girls like you" cun toque diferente.

FACEMOS UN GLOBOLATA EN INFANTIL

ROCK BRAVÚ GALEGO

O alumnado de 6º está a traballar o rock bravú nesta semana. Aquí vos deixo un resumo do máis salientable.

HISTORIA DA MÚSICA

O alumnado de 6º comeza neste trimestre cun breve resumo do que foi a historia da música, as súas etapas e características máis importantes.

ECOPERCUSIÓN 2019

A semana pasada tivemos a sorte de ter connosco por segundo ano consecutivo a Didier, un mestre cubano de percusión que nos ofreceu unha masterclass sobre ecopercusión co fin de montar unha batucada. A continuación tedes un resumo do que foi o taller e un vídeo co resultado final a modo de exhibición diante de todo o cole. Agardo que vos guste.

 E para ver o vídeo da exhibición clica na seguinte foto.

LINGUAXE MUSICAL

Aquí vos deixo o material de linguaxe musical co que estamos a traballar estes días. Ánimo!!!

DÍA DA PAZ 2019 - LIPDUB DÉJALA QUE BAILE

Este ano para celebrar o día da paz fixemos varias actividades, entre elas un lipdub coa canción "Déjala que baile" con todo o alumnado. Clica na imaxe para ver o vídeo.

TRABALLAMOS A PAZ

O alumnado de 5º nos amosa un poema de Gloria Fuertes con paos de percusión.

BAILES DE ESPAÑA

O alumnado de 6º comeza este trimetre traballando os bailes máis importantes de España e as súas principais características. Clica na imaxe para ver a o resumo.

CHEGOU O NADAL

O alumnado de 5º nos amosas unha instrumentación con placas e percusión da canción "navidad navidad".